BlumenPlaceholder

So, jetz las eus mache, Mueter

So, jetz las eus mache, Mueter,
lueg jetz hüt emal nu zue,
chunnscht ja suscht nie zum V erschnufe,
Tag und Nacht schier häscht kä Rueh!

Schöpfe flicke, Hose büeze -
nie chunnsch a der Arbet uss,
choche, butze, bette, wäsche -
bischt die erscht und letscht im Huus!

Wenn eis chrank wird, muesch em luege,
springscht und machscht, nüt isch der zvill.
Wenn di d Bei scho chuum meh träged,
grochsischt nüd, bischt müslistill.

Mueter, wämer dich nüd hetted,
säg, wie stiended mer au da?
Wäred alli wie verlore,
wüssted nüd, wo uus und aa!

Hüt wämer an alles dänke,
s mues für dich en Fyrtig sy,
wänd di uf de Hände träge -
bischt halt eusere Sunneschy!