BlumenPlaceholder

Sitzt es Häsli uf der Wiis

Sitzt es Häsli uf der Wiis,
hindrem grüene Tännli,
streckt sys Näsli, schnüffelt lys,
und macht luschtig s Männli.

Schwupp di wupp, jetz springts dervo,
über Stock und Steinli,
schwupp di wupp, es isch so froh,
schlingget luschtig d Beinli.

s Hasefräuli hindrem Gstrüch,
macht grad ihres Schlöfli,
s Hasemannli chunnt ganz schüch,
stüpflets mit em Töpli.

Grüezi, liebi Hasefrau
machsch mit mir es Tänzli?
No so gärn, du gfallsch mer au
mit dym wysse Schwänzli.

Und jetz tanzeds, hoppsassaa,
d Ohre gwaggled grüsli,
druf, so springeds husch, husch, husch,
gleitig zrugg is Hüsli.