BlumenPlaceholder

Lueg, s Oschterhäsli, tripp und trapp

Lueg, s Oschterhäsli, tripp und trapp -
jetz springt s deet äne s Bergli ab!
Was wott s ächt? Wotts no wyt?
S wird luege, öbs scho Blueme heig,
s wird luege, öbs scho Früehlig seig
und Oschterhaasezyt.

Jetz gsehts im Hag e Veieli stoh,
und Schlüsselblüemli sind scho do,
e ganzi Matte voll.
D Chinder sueche Miesch im Hag -
do gumpet s Häsli, was s vermag!
"Jetz han i Zyt! Jowohl!"