BlumenPlaceholder

Es schnüfelet, es schlöfelet

Es schnüfelet, es schlöfelet,
s lyt wien es Ängeli daa,
und d Gotte treids zum Taufstei zue
und lachets fründli aa.

Es schnüfelet, es schlöfelet
im Chüsseli schneewyss,
drü Ängeli stönd zringelum,
si siunged lys, ganz lys.

De Pfarrer streut drü Tröpfli druuf,
jetz häds esi gschwind grodt.
Häds ächt im Traum es Stimmli ghört:
"Liebs Chindli, bhüet di Gott?"