BlumenPlaceholder

Es ischt es luschtigs Läbe

Es ischt es luschtigs Läbe
am Buechewäldlirand.
Es Gschärli Oschterhaase
rännt heimli umenand.

Si maaled fyni Eili
und leged Bletter drum.
Si fülled ihri Chräzli
und tanzed zringelum.

Bim Bätzytlüüte schlyched s
ganz lys vo Huus zu Huus
und sueched vo de Chinde
die allerbrävschte uus.

Znacht chömed s wider ume
zum Buchs um Sterneschy
und leged us em Chrättli
die schönschte Eili dry.

Am Oschtermorge joolet s
dur s Dörfli uus: " Halloh!
Der Oschterhaas, der Oschterhaas
ischt hinicht zuen is cho!"