BlumenPlaceholder

De Hasemaa springt us em Bett

De Hasemaa springt us em Bett,
s tunkt ein, er sei pressiert.
Er rennt und suecht und staht und stuunt:
"Das mir jetz das passiert!"

Kei rechti Farb, kein Topf parat:
kei einzigs Ei im Huus.
Frau stand doch uuf, chauf gleitig y,
i wirde na konfuus."

"Go Eier chaufe", seit si Frau
und lueget gspässig dry.
"He ja, s isch Oschtere i acht Tag,
wie simmere hindedry!

Ich arme, gschlagne Hasemaa,
was söll i nu au mache?"
D Frau lueget de Kalender aa
und mues denn aafä lache:

"Du guete Maa, du magsch scho gcho,
heb du nu gar kei Chummer.
I glaube schier, du hebisch traumt!
Mer sind ja zmitzt im Summer."