BlumenPlaceholder

Tra-ri-ra, de Summer isch jetzt da

Tra-ri-ra, de Summer isch jetzt da!
O chum mer wänd in Garte,
dem schöne Summer warte.
Tra-ri-ra, de Summer isch jetzt da!

Tra-ri-ra, de Summer isch jetzt da!
Juhe, mer gönd i d' Hecke,
mer wänd de Summer wecke.
Tra-ri-ra, de Summer isch jetzt da!

Tra-ri-ra, de Summer isch jetzt da!
De Summer de het gwunne,
de Winter isch zerrunne.
Tra-ri-ra, de Summer isch jetzt da!

Variante:

Traraa, traraa, de Sumer isch daa!
D Vögel tüend pfyfe, und d Chriesi tüend ryfe.
Mir ässed devoo, de Sumer isch choo!

Traraa, traraa, de Sumer isch daa!
Chömed cho baade, es tuet öis nüd schade,
mir schwümed so froh, de Sumer isch choo!

Traraa, traraa, de Sumer isch daa!
Wer wetti nüd singe, und wer wetti nüd springe.
Mir fröied öis soo, de Sumer isch choo!