BlumenPlaceholder

Mir sind die sibe Zwergli

Mir sind die sibe Zwergli
und schlafed tüf im Bergli,
jetz gömer gleitig hei,
s Schneewittli isch ganz elei.

Tripp, trapp, tripp, trapp, tripp, trapp,
froh laufed mir bergab,
eis hinderem andere dry,
mer sind hüt flyssig gsi.

Am Himel glänzed d Sternli,
de Wäg zündt öis s Laterndli,
de Wald isch müüslistill,
wil ales schlaafe will.

Guet Nacht, guet Nacht ir Häsli,
mit öirne Stumpelnäsli,
ir Vögeli und Reh.
Adie, uf Widerseh.

Tugg, tugg, tugg, tugg, tugg,
Schneewittli, miir sind zrugg.
Mach pitti s Tüürli uuf,
mer wartet ali druuf.

"Gott grüezi, liebi Zwergli,
sind ihr scho daa vom Bergli?
So mached öi paraad,
i bring öi s Süppli graad."

Gschwind sitzed al as Tischli,
mit frische, froe Gsichtli
und wartet u f de Znacht,
was hätt s Schneewittli gmacht?