BlumenPlaceholder

Mer wänd der Wienecht eggäge ga

Mer wänd der Wienecht eggäge ga,
mach s Chränzli zwäg,
steck d Cherzli dra.
Stell da und det es Zwigli i,
s ganz Stübli mues jetz fäschtli si.

Mer wänd der Wienecht eggäge ga,
mach s Herzi zwäg und tänk nu dra,
das alls da drin mues suber si,
suscht chan au d Wienechtsfreud nöd dri.

Mer wänd der Wienecht eggäge ga,
zünd i dim Herz es Liechtli a.
Und trägs is Tunkel, still, ganz still.
Das ischs, was s Jesuschindli will.

Es wott käi grossi Gschänk, o näi,
dis Herzli möchts nu ganz eläi.
Es wett a dir es Hälferli ha.
Säg, wottscht em nöd eggäge ga?