BlumenPlaceholder

Los, wie s Vögeli singt so fro

Los, wie s Vögeli singt so fro;
Chind, mis Chind, de Mäi isch cho,
mit em goldige Suneschi
und dene Blüemli zart und chli.

Chumm jetz, Chind, und gimer d Hand,
wänd jetz wandre mitenand,
über Berg und Wise ga,
juchze wämer, trallalla.

Simer müed, so gömer häi,
fröli über Stock und Stäi,
will mer gli zum Müetli wänd
mit de Strüssli i de Händ.