BlumenPlaceholder
Jetzt fallet d'Blettli wieder

Jetzt fallet d'Blettli wieder

Jetzt fallet d'Blettli wieder,
de Summer isch verbii.
Und d' Schwälbli flüüged alli furt,
mir wüssed nid wohii.

Und leer sind alli Fälder
und d' Blüemli schlafed bald.
Und stiller wird's im ganze Land
und einsam staht de Wald.

Kein Summervogel tanzet,
es isch scho chalt und rau.
Und d' Sunne hät en Schleier aa
vo Näbel dick und grau.

Läb wohl du schöne Summer,
du söttisch no nid gaa.
Wänn d' über s' Jahr dänn wieder chunnsch,
dänn sind mir alli froh.