BlumenPlaceholder

Hinderem Huus und vor em Huus

Hinderem Huus und vor em Huus
mached mer Ringeltänzli.
S Oschterhäsli luegt is zue,
wädelet mit em Schwänzli.

Hinderem Huus und vor em Huus
sueched mer Moos und Steindli.
S Oschterhäsli gumpet devoo,
schlänkeret syni Beindli.

Hinderem Huus und vor em Huus
boued mer chlyni Neschtli.
S Oschterhäsli springt gschwind hei,
holt sys Eierchäschtli.

Hinderem Huus und vor em Huus
tüemer luschtig singe.
S Osterhäsli tuet is hüt
schöni Eili bringe.


Text / Melodie: S. Hämmerli-Marti / Überliefert