BlumenPlaceholder
Hali, hali, halo

Hali, hali, halo

Hali, hali, halo, jetz ischt de Sumer cho,
und d Sune schint und s Finkli singt,
und d Blüemli lached, s Bächli springt;
hali, hali, halo, jetz ischt de Sumer cho.

Trara, trara, trara, jetz ischt de Sumer da,
und ali Blüemli mitenand
händ ires herzig Sumergwand;
trara, trara, trara, jetz isch de Sumer da!

Juhe, juhe, juhe, im Bächli und im See
häts schöni Fischli gross und chli,
die freued si im Suneschi;
juhe, juhe, juhe, wie viles chame gse!

Juhe, juhe, juhe, de Sumer bringt na me!
Er bringt is Chriesi schwarz und rot,
die ässed mir zum Abigbrot
und rüefed dänn: "Juhe! Gäll, Mueter, häscht na me!"