BlumenPlaceholder
Esoo wäsched mer d Wösch

Esoo wäsched mer d Wösch

Esoo wäsched mer d Wösch,
esoo wäsched mer d Wösch,
scho früe am Mändig am Morge.
Rible, Rible, Söipfe draa,
s törf gar käni Möse haa.
Esoo, esoo, esoo wäsched mer d Wösch.

Esoo schwänked mer d Wösch,
scho früe am Zischtig am Morge.
Schwänke, schwänke, her und hii,
d Wösch mues nämli suuber sy.

Esoo hänked mer d Wösch,
ganz früe am Mittwuch am Morge.
Säili spanne, Chlüpli dra;
d Wösch sött halt vil Sune haa.

Esoo gletted mer d Wösch,
ganz früe am Dunschtig am Morge.
Mit em Ise hin und her;
wänns au nu scho fertig wär.

Esoo flicked mer d Wösch,
ganz früe am Frytig am Morge.
Löcher wifle, Chnöpfli dra,
das mes wider bruche chaa.

Esoo bygeled mer d Wösch,
ganz früe am Samschtig am Morge.
Schön verstryche mit der Hand,
ales ordeli ufenand.

Und jetzt ruebed mer uus
am schöne Sundig am Morge,
eimal soo und eimal soo,
s Schlaafe macht eim gsund und froh.