BlumenPlaceholder
De Schnydermaa

De Schnydermaa

Was brucht en Schnydermaa?
Fidirullalla, fidirullala.
Was brucht en Schnydermaa?
Fidirullarullalla.
Er bruucht e langi, starchi Scheer,
mit dere zwackt er hin und her.
Das bruucht en Schnydermaa,
fidirullarullalaa.

Was bruucht en Schnydermaa?
Er bruucht en lange Meterstab,
mit dem misst er eim d Lengi ab.

Er mues vil spitzigi Naadle haa,
das er rächt guet cha z Fade schlaa.

Er bruucht en starche Fingerhuet,
das d Naadle in nöd stäche tuet.

Er brucht vil Fade, rot und blau
und grüen und gääl und schwarz und grau.

Er mues e Nähmaschine haa,
mit dere-n-er gleitig büeze chaa.

Das brucht en Schnydermaa!
Fidirullarullala.