BlumenPlaceholder

D Hüendlimueter

Glugg, glugg, glugg und pi, pi, pi,
s chunt e Hüendlimueter,
scharet daa und deet e chly,
suecht d Chinde Fueter.

Pi, pi, pi und glugg, glugg, glugg,
lueg, wies schnabuliered,
und wie stoz das Müeterli
mit syne Chind spazierlet.

Usem Tröögli trinkeds no
glugg, glugg, glugg es Tröfli
und bi jedem chlyne Schluck
lupfeds herzig d Chöpfli.

Zaabig schlüüfeds, glugg, glugg, glugg,
lys is Hüenerhüüsli.
Nööch, ganz nööch bim Müeterli
macheds ires Pfüüsli.

Eis ums ander teckt si lieb,
dass e keis mues früüre,
nu säb Chly deet underem Schwanz
güggslet heimli füre.