BlumenPlaceholder

Bim-bam

Bim-bam, bim-bam, los, es lütet.
Ali Chinde gönd is Hus,
s Bätzitglöggli säit:
"Ir Chinde, s isch jetz mit em Spiile-n-us!

Bim-bam, bim-bam, gönd i d Stube
Chinde, Chinde s tunklet gli.
Bravi Chinde söled z Abig
nüd elei verusse si.

Bim-bam, bim-bam, gönd is Bettli,
d Äugli sind ja schüüli müed.
D Amsle uf em Birebäumli
singt e herzigs Abiglied.

Bim-bam, bim-bam, lis vom Himel
flüged Ängeli, gänd acht!
Losed, ob ir artig bätted,
schützed öi i tunkler Nacht.