S isch mer alles äis Ding

S isch mer alles äis Ding,
ob i lach oder sing
han es Härzeli wienes Vögeli ,
darum liebeni so ring
Und mys Härzli isch zue,
s cha mer s niemert uftue,
als es äinzigs schlaus Bürschteli (Mäiteli)
het es Schlüsseli derzue.
Und du bruchsch mir nit z'trutze,
jo sosch trutze-n i dir au;
so-n-es Bürschteli (Mäiteli) wie du äis bisch,
so-n-es Mäiteli (Bürschteli) bin-i-au.
Drum isch mer alles äis Ding,
ob i lach oder sing
han es Härzeli wienes Vögeli ,
darum liebeni so ring

Text und Melodie: Volkstümlich aus dem Kanton Aargau