Fingerreime

Ein riesiges Vergnügen für die Kleinen und Kleinsten sind Verse und Reime auf jeden Finger. Mit diesen kleinen Spielchen lassen sie sich wunderbar ablenken, beruhigen oder einfach nur erfreuen.

Einige unserer Benutzerinnen haben beliebte und bekannte und auch weniger bekannte Reime im swissmom Forum aufgeschrieben und wir  haben die kleine  Sammlung hier zusammen gestellt. Schreiben Sie auch an info(at)swissmom.ch , wenn Sie noch andere Fingerreime kennen. Wir freuen uns auf weitere Texte in unserer Liste!

 

Daumen) - das isch de Dume
(Zeigfinger) - dä schüttlet Pflume
(Mittelfinge) - dä liist sie uf
(Ringfinger) - dä dräit si hei
(kleiner Finger) - und de chli isst si ganz ellei

 

Dä gaht uf Afrika
Dä luegt em truurig nah
Dä seit ade, ade
Dä seit uf wiederseh
Und dä chli seit: pass uf, im Nil heds grossi Krokodil!

 

Das isch dä Vater, lieb und guet,
das isch d Muetter, mit em Fingerhuet,
das isch dä Brüeder, stark und gross,
das isch d Schwöschter, mit em Bäbi uf em Schoss.
Und das isch s chind.
Und das isch die ganz Familie. (Ganze Hand nehmen)

 

Dä seit:Wenns rägnet, wird me nass
Dä seit:Wenns rägnet, dass isch kei Gspass
Dä seit:Wenns rägnet, dass isch e Gruus
Dä seit:Wenns rägnet, blib ich im Huus
Und dä klei seit:Wenns rägnet kann ich nit uff d Sunne warte, denn gang ich mit em Rägeschutz in Kindergarte (eigentlich Regenschirm, ich habe es aber nicht gerne, wenn die Kinder mit Schirm in den KG kommen)

 

- dä isch is Wasser gheit
- dä het en use gholt
- dä het en abtrocknet
- dä het en is Bettli bracht
- und de chli Pfüderi hät en wieder ufgweckt

 

Daumen: de esch i Bach gheit
Zeigefinger: de hed ihn usezoge
Mittelfinger: de hed ihn hei dreit
Ringfinger: de hed ihn is Bettli gleid
kl. Finger: ond de hed alles im Mami und Papi gseid!

 

(Bei diesem Versli mit allen zehn Fingern zappeln: Rauf und runter, hin und
her und im Kreis. Sind die Finger "weg", dann unter den Achselhöhlen
verstecken):
Zäh chliini Zappelmännli zappled uf und niiider
zäh chliini Zappelmännli mached's immer wiiider
zäh chliini Zappelmännli zappled hin und här
zäh chliini Zappelmännli findet's gar nöd schwär
zäh chliini Zappelmännli zappled z'ringelum
zäh chliini Zappelmännli findet's gar nöd dumm
zäh chliini Zappelmännli sueched es Västeck
zäh chliini Zappelmännli sind uf eimal wägg
zäh chliini Zappelmännli rüefed luut "Hurrah"
zäh chliini Zappelmännli sind jetzt wieder da.

 

Dä sitz still und froh am Tisch (Daumen)
dä bringt Weggli herrlich frisch (Zeigefinger)
dä schänkt Milch und Kafi ii (Mittelfinger)
dä tuet nochli Zucker drii (Ringfinger)
und de Chli (kleiner Finger) seid: "Lönd nochli
staah, s'Büseli muess au Z'Morge haa".

 

foif Säuili chömed z`laufe
de Puur wotts go verchaufe
s`Ringelschwänzli
s `Gwaggelöhrli
s`Chugelränzli
s`Wädlibei
und s`Chli Chli seit: chum mir ränned alli wieder hei
(mit allen fünf Finger über den Bauch des Kindes "rennen")

 

das sind die 10 Hasegselle, vo dene wött ich dir verzelle
das isch s' Häsli Stummelschwänzli, macht mit dir gern es Tänzli.
das isch s' Häsli Lampiohr, luegt grad hinderem Baum hervor
das isch s' Häsli Humpelbei, hüpft gern über jede Schtei
das ischs Häsli Rumpelbuuch, gumped grad zum grosse Struuch
und schlinscht Häsli husch,husch,husch, springt schnäll zum Haselbusch..

 

das isch s' Häsli Schnüffelnääsli versteckt sich bi de gröschte Grääsli
das isch de Hasevatter, gumped sogar übers Gatter
das isch Hasemüetti, hett alli Chind bi sich zum hüete
das isch s' Häsli Himmelblau,weiss alles ganz genau
das isch s' Häsli Strampelmaa, maled alli Eili aa

 

info(at)swissmom.ch  I  copyright swissmom.ch 2013

Inhalt urheberrechtlich geschützt © 2013 Swissmom. Alle Rechte vorbehalten.
Die in www.swissmom.ch enthaltenen Informationen stellen keinen Ersatz dar für die Untersuchung, Diagnosestellung oder Behandlung durch medizinisch ausgebildete Fachleute.
Bitte lesen Sie unsere Nutzungsbedingungen.